MJW न्यूज मराठी | सत्याचा शोध, जनतेचा आवाज
MPSC गैरप्रकार चौकशी समितीच्या सचिवपदी तुकाराम मुंढे यांची नियुक्ती | धडाकेबाज IAS अधिकारींकडे मोठी जबाबदारी
मुंबई: महाराष्ट्र लोकसेवा आयोग म्हणजेच MPSC मधील कथित गैरप्रकार आणि पेपरफुटी प्रकरणांची चौकशी करण्यासाठी स्थापन करण्यात आलेल्या समितीच्या सचिवपदी धडाकेबाज निर्णयांसाठी ओळखले जाणारे IAS अधिकारी तुकाराम मुंढे सर यांची नियुक्ती करण्यात आली आहे.
MPSC च्या परीक्षा प्रक्रियेत गेल्या काही काळात गैरप्रकार आणि पेपरफुटीच्या आरोपांमुळे विद्यार्थ्यांमध्ये असंतोष होता. या प्रकरणांची सखोल चौकशी करण्यासाठी राज्य सरकारने एक स्वतंत्र समिती स्थापन केली होती. या समितीच्या सचिवपदी तुकाराम मुंढे यांची निवड करण्यात आली आहे.
तुकाराम मुंढे हे त्यांच्या पारदर्शक आणि कठोर निर्णयांसाठी महाराष्ट्रभर प्रसिद्ध आहेत. नाशिक, पुणे महापालिकेतील आयुक्तपदाच्या काळात त्यांनी घेतलेल्या निर्णयांची चांगलीच चर्चा झाली होती. त्यामुळे त्यांच्याकडे ही जबाबदारी सोपवण्यात आल्याने MPSC मधील गैरप्रकारांवर कठोर कारवाई होईल, अशी अपेक्षा विद्यार्थी आणि पालकांकडून व्यक्त केली जात आहे.
समितीला MPSC मधील भरती प्रक्रिया, पेपर छपाई, प्रश्नपत्रिका सुरक्षा आणि निकाल प्रक्रियेतील सर्व बाबींची चौकशी करायची आहे. दोषींवर कारवाई करण्याची शिफारसही समिती करणार आहे.
तुकाराम मुंढे यांच्या नियुक्तीमुळे MPSC च्या प्रतिमेवरचा विश्वास पुन्हा प्रस्थापित होईल, अशी आशा लाखो स्पर्धा परीक्षार्थींना आहे.
Post a Comment
0 Comments