*धुळ्यात गुटखा तस्करांना 'एफडीए' चा दणका! दोन वाहनांसह 62 लाखांचा मुद्देमाल जप्त*
*धुळे:* अन्न व औषध प्रशासनाच्या पथकाने धुळ्यात गुटखा तस्करीवर मोठी कारवाई केली आहे. साक्री रोड परिसरात कारवाई करत दोन वाहने आणि सुमारे 62 लाख रुपयांचा गुटखा, पान मसाला, तंबाखू व इतर साहित्य जप्त करण्यात आले.
अन्न व औषध प्रशासन विभागाच्या अधिकाऱ्यांनी दिलेल्या माहितीनुसार, गुप्त माहितीच्या आधारे ही कारवाई करण्यात आली. तपासणी दरम्यान दोन वाहने आणि मोठ्या प्रमाणात बेकायदेशीर गुटखा व तंबाखूजन्य पदार्थ आढळून आले.
जप्त करण्यात आलेल्या मुद्देमालामध्ये गुटखा, पान मसाला, तंबाखू आणि इतर साहित्याचा समावेश आहे. या प्रकरणी गुजरात राज्यातील चौघांविरोधात तालुका पोलीस ठाण्यात गुन्हा दाखल करण्यात आला आहे.
राज्यात गुटखा बंदी असूनही अशी विक्री करणाऱ्यांवर कठोर कारवाई सुरूच राहणार असल्याचे प्रशासनाने स्पष्ट केले आहे.
`#MJWNews #Dhule #FDA #GutkhaBan #MaharashtraNews #DhulePolice
Post a Comment
0 Comments