धुळे-नंदुरबार जिल्हा बँकेची दुष्काळग्रस्तांसाठी 5 लाखांची मदत संचालक भत्ता व कर्मचारी पगाराची रक्कम मुख्यमंत्री सहाय्यता निधीला सुपूर्द

 धुळे-नंदुरबार जिल्हा बँकेची दुष्काळग्रस्तांसाठी 5 लाखांची मदत

संचालक भत्ता व कर्मचारी पगाराची रक्कम मुख्यमंत्री सहाय्यता निधीला सुपूर्द

धुळे | MJW न्यूज मराठी प्रतिनिधी | 4 ऑक्टोबर 2026

दुष्काळाच्या पार्श्वभूमीवर धुळे व नंदुरबार जिल्हा मध्यवर्ती सहकारी बँकेने दुष्काळग्रस्त शेतकऱ्यांना दिलासा देण्यासाठी पुढाकार घेतला आहे. बँकेच्या संचालक मंडळाच्या मासिक बैठकीचा भत्ता आणि बँकेच्या अधिकारी-कर्मचारी यांचा एका दिवसाचा पगार अशी एकूण 5 लाख रुपयांची रक्कम मुख्यमंत्री सहाय्यता निधीला देण्यात आली.

ही मदत आज जिल्हाधिकारी कार्यालय, धुळे येथे राज्याचे महसूल मंत्री मा.ना.श्री.चंद्रशेखर बावनकुळे साहेब आणि जिल्ह्याचे पालकमंत्री मा.ना.श्री.जयकुमारभाऊ रावल यांच्याकडे सुपूर्द करण्यात आली.

धुळे व नंदुरबार जिल्हा मध्यवर्ती सहकारी बँकेचे चेअरमन तथा माजी आमदार मा.श्री.राजवर्धन कदमबांडे यांनी हा धनादेश मान्यवरांच्या हस्ते मुख्यमंत्री सहाय्यता निधीकडे सुपूर्द केला.

यावेळी बावनकुळे साहेबांनी बँकेच्या या सामाजिक उपक्रमाचे कौतुक करत, दुष्काळग्रस्त शेतकऱ्यांना तातडीची मदत पोहोचवण्यासाठी राज्य शासन कटिबद्ध असल्याचे सांगितले. पालकमंत्री जयकुमार रावल यांनी देखील जिल्हा बँकेच्या निर्णयाचे स्वागत केले.

- धुळे-नंदुरबार जिल्हा बँकेची एकूण 5 लाख रुपयांची मदत

- संचालक भत्ता + कर्मचारी 1 दिवसाचा पगार

- मदत मुख्यमंत्री सहाय्यता निधीला सुपूर्द

- बावनकुळे आणि रावल यांच्या उपस्थितीत हस्तांतरण

#MJWNewsMarathi #धुळे #नंदुरबार #दुष्काळमदत #जिल्हाबँक #चंद्रशेखरबावनकुळे #जयकुमाररावल #मुख्यमंत्रीसहाय्यतानिधी